भांगरभूंय | प्रतिनिधी
भांगरभूंय । प्रतिनिधी
पोरणे गोंयः कुडका पंचायत वाठारांत पियेवपाच्या उदकाची सामको उणाव जाल्ल्यान ताचेर चर्चा करपा खातीर विशेश ग्रामसभा घेवपाची मागणी थळाव्यांनी केल्या. ही मागणी करपी गांवच्या सुमार 570 लोकांनी सयो केल्लें निवेदन सरपंचाक सादर केलां.
सध्या आमकां उदक मेळना. ताचेर उपाय येजवण सोदून काडपा खातीर पंचायत राज कायद्याच्या कलम 5(5) खाला असाधारण ग्रामसभा घेवपाची गरज आसा अशें सुदेश खांडोळकार हांणी निवदेन सादर केल्या उपरांत पत्रकारांक सांगलें. उदकाच्या प्रश्नाची म्हायती सान्तआंद्रेचो आमदार विरेश बोरकाराक कित्याक दिली ना अशें विचारलें तेन्ना ताका उदका उणाव जाला हें खबर आसा. मात पंचायत राज कायद्यांतले तजविजी प्रमाण पंचायतीक ताचेर विचार करून उपाय करपाचो अधिकार आसा अशें अजय खोलकारान सांगलें. निवेदन दिल्या उपरांत 30 दिसां भितर पंचायत मंडळान ग्रामसभा घेतली ना जाल्यार आमी वरिश्ठ अधिकाऱ्यां कडेन वतले अशें ताणे सांगलें.
——————————————————————
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
