भांगरभूंय | प्रतिनिधी
बांदोडकार टी-20 क्रिकेट सर्तीची फायनल जिनो स्पोर्ट्स क्लब आनी साळगांवकार क्रिकेट क्लब हांचे मदीं जातली. कांपाला वयल्या बांदोडकार क्रिकेट मैदानाचेर सर्तीचें आयोजन केलां.
पयले सेमी फायनलींत जिनो स्पोर्ट्स क्लबान चौगुले स्पोर्ट्स क्लबाक 7 विकेटींनी हारयलो. जिनोच्या जैतांत सोहराब धाळीवाळ पर्जळ्ळो. ताणें नाबाद 101 धांवड्यांची खेळी केली.
दुसरे सेमी फायनलींत साळगांवकार क्रिकेट क्लबान मानस पणजी जिमखानाक 17 धांवड्यांनी हारयलो. फायनल आयज जातली.
थोडे भितर धांवतकटोः चौगुले स्पोर्ट्स क्लब, 20 ओव्हरींनी 8 बाद 175 धांवड्यो (कश्यप बखले 31, दिव्यांश जोशी 28, कृष्णा ठाकूर 25 धांवड्यो, मयंक रावत 3-28, समीत मिश्रा 2-21) हार आड जिनो स्पोर्ट्स क्लब, 15.2 ओव्हरींनी 3 बाद 178 धांवड्यो ( सोहराब धाळीवाड नाबाद 101, ईशान गडेकार 39 धांवड्यो, कृष्णा ठाकूर 2-27).
साळगांवकार क्रिकेट क्लब, 20 ओव्हरींनी 9 बाद 150 धांवड्यो (अमोघ देसाय 38, आदित्य सुर्यवंशी 27, सुबोध भट्टी 28 धांवड्यो, शुभम तारी 3-36, अचीत शिगवान 3-34) जैत आड मानस पणजी जिमखाना, 19.3 ओव्हरींनी सगले बाद 133 धांवड्यो (स्नेहल कवठणकार 44, निनाद रठवा 29 धांवड्यो, दीपराज गांवकार, लकमेश पावणे आनी अथर्व अंकोलेकर दरेकी 2 विकेटी).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
