भांगरभूंय | प्रतिनिधी
भांगरभूंय । खबरां मेज
पणजीः भारत सरकाराचो अर्जुन पुरस्कार जैतिवंत आंतरराष्ट्रीय बुद्दिबळ मास्टर भक्ती कुलकर्णी हाचो मडगांवच्या रोटरी क्लबान फाटल्या मंगळारा रोटरी हॉलांत आयोजीत केल्ले एके कार्यावळींत रोटरीयन दत्ता पै रायतुरकार हाचे हस्तुकीं भोवमान केलो. कार्यावळीक क्लबाचो अध्यक्ष दीप कारापुरकार, सचीव लिस्टन बार्रेटो, भांडारी जे बी सरदेसाय, प्रशांत कामत आनी शैलेश सावर्डेकार हाजीर आशिल्लो.
भोवमान कार्यावळी निमतान मडगांव पालिका मंडळाची आदली नगराध्यक्ष डॉ बबिता आंगले प्रभुदेसाय हिणे भक्ती कुलकर्णी कडेन संवाद सादून तागेल्या बुद्दिबळ मळावयल्या चमकदार वाटचाली विशीं म्हायती घेतली. ल्हानपणा सावन बुद्दिबळ खेळून पिरायेच्या 6व्या वर्सा हांवे पयले इनाम मेळयलें. म्हजी बुद्दिबळ कारकिर्द घडोवपाक आवय प्रिया आनी बापूय प्रदीप कुलकर्णी हांचें व्हडलें योगदान आसा अशें भक्तीन सांगलें.
2020 वर्सा फिडेन घडोवन हाडिल्ल्याा पयल्या बुद्दिबळ ऑनलाय ऑलिम्पियाडांत 163 देशांच्या सर्तकां कडेन सर्त करून भारता खातीर मेळयल्लें भांगरा पदक व्हो म्हजे बुद्दिबळ कारकिर्दींतलो मैलाचो फातोर आसा अशे भक्तीन सांगलें. सद्या खेळा मळार बायल खेळगडींक लिंगीक पूर्वग्रहाक तोंड दिवचें पडटा हे खातीर ताणे खंत उक्तायली. भोवमान कार्यावळीक मडगांवकार व्हडा संख्येन हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
