भांगरभूंय | प्रतिनिधी
भांगरभूंय । प्रतिनिधी
साखळीः साखळी हांगच्या हेडगेवार प्राथमीक विद्यालयाचे चार दिसाच्या गिमाळ्या शिबिराचो समारोप बाजार दिसान जालो.
शिबरांत भुरग्यांक नाच, शुद्धलेखन तशेंच हेर विशय शिकोवपा खातीर वेगवेगळ्या सत्रांचें आयोजन केल्लें. आश्विनी लामगांवकार, सुचिता शेंदुरे, संदेश बाराजणकार हांणी तांका मार्गदर्शन केलें. शिक्षिका मीलन पाटील आनी श्रेया बर्वे हांमी भुरग्यांक विज्ञानाचे प्रयोग करून दाखयले. भुरगीं आनी पालकां खातीर घेतल्ल्या सर्तीचीं इनामां वांटपाची कार्यावळ जाली. शिबिराच्या समारोपाक मुखेल सोयरे म्हणून विराज धावस्कार हाजीर आशिल्लो. ताणी जैतिवंतांक इनामां भेटयलीं.
बाजार दिसान शिबीर सोपलें. भुरग्यांनी बाजार दिसांत भाजी आनी हेर तरेचे खावपाचे जिनस विकले. शाळा वेवस्थापन समिती आनी पालक- शिक्षक संघान हे गिमाळें शिबीर आयोजीत केल्लें.
—————————————————————
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
