भांगरभूंय | प्रतिनिधी
भांगरभूंय । खबरां मेज
पणजीः सिंडीकेट बँक, वैजकी म्हाविद्यालय, मणिपाल इंजीनियरींग अश्या अर्थीक, शिक्षणीक आनी सांस्कृतीक मळार व्हडलें योगदान दिवपी सर्गेस्त पद्मश्री डॉ टी एम पै हांची 125 वी जयंती येता त्या 23 एप्रिलाक मंगळुरूच्या सुजीर सी वी नायक सभाघरांत मनयतले. हे खातीर वेंचून काडिल्ल्या समितीचे अध्यक्ष डॉ कस्तुरी मोहन पै हाणी मंगळुरू प्रेस क्लबांत आयोजीत केल्ले पत्रकार परिशदेंत ही म्हायती दिली.
ह्या निमतान डॉ टी एम पै हाची जीण आनी वावराचेर निबंध सर्त आनी उलोवपाची सर्त आयोजीत केल्या. तातूंत सुमार 125 विद्यार्थी वांटो घेतले. जयंती कार्यावळीक टी एम पै प्रतिश्ठानाचो अध्यक्ष अशोक पै, आनी भारतीय रिझर्व बँकेचो आदलो व्हायस गर्व्हनर वी लीलाधर मुखेल सोयरे म्हणून हाजीर रावतले. पत्रकार परिशदेक विश्वनाथ भट, कार्यावळ संयोजक व्यंकटेश बाळीगा, एम आर कामत आनी गोविंदराय प्रभू हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
