भांगरभूंय | प्रतिनिधी
भांगरभूंय । प्रतिनिधी
म्हापशेंः कोलवाळ पंचायत उपसरपंच पदार योगिता यशवंत चोडणकार हिची बिनविरोध निवड जाली. लिबरेटा मायकल फर्नांडीस हिका अविश्वास थाराव हाडून उपसरपंच पदा वयल्यान काडले उपरांत फाटल्या दोन म्हयन्यां सावन हें पद रिकामें आशिल्लें.
सोमारा सकाळी पंचायत मंडळाचे खाशेले बसकेंत उपसरपंच वेंचून काडपा खातीर बसका जाली. लिबरेटा फर्नांडीस, हनुमंत हळर्णकार आनी नारायण डिचोलकार हे तीन पंच वांगडी बसकेक आयले नात. सरपंच शीतल सतीश चोडणकार, सुप्रिया नित्यानंद कानोळकार, दशरथ बिचोलकार, प्रियांका दशरथ बिचोलकार, योगिता यशवंत चोडणकार आनी रती प्रकाश वारखंडकार बसकेक हाजीर आशिल्ली.
उपसरपंच पदा खातीर योगिता चोडणकार हिचोच अर्ज आयिल्ल्यान निर्वाचन अधिकाऱ्यान तिची बिनविरोध निवड जाल्ल्याचें जाहीर केलें. बार्देश गट विकास कार्यालयांतलो अधिकारी मुरारी वराडकारान निर्वाचन अधिकारी म्हणून काम पळय़लें. ताका पंचायत सचीव प्रेमानंद मांद्रेकारान मजत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
