भांगरभूंय | प्रतिनिधी
गोंय खेळां पत्रकार संघटनेन (एसजेएजी) आयोजीत केल्ले आंतर प्रसारमाध्यम बॅडमिंटन सर्तींत कोंकणी दैनीक भांगरभूंयची उप संपादक प्राची गांवकार हिका बायलांच्या एकोड्या गटांत उप वस्तादपण फावो जालें.
गोंय खेळां पत्रकार संघटनेन गोंय खेळां प्राधिकरण, गोंय बॅडमिंटन संघटना, पणजी बॅडमिंटन क्लब आनी पणजी टेबल टॅनीस क्लब हांच्या जोड पालवान पणजीच्या इन्डोर स्टेडियमांत सर्तीचें आयोजन केल्लें.
मजगतीं, बाम्बिनो डायस, अमरेश परब, सचीन चाटे, त्रिशा नायक, सावियो नोरोन्हा हांणी एसजेएजी आयोजीत आंतर प्रसारमाध्यम बॅडमिंटन आनी टेबल टॅनीस सर्तींत वस्तादपण जोडलें.
सर्तींत गोंयांतल्या विवीध मिडिया हावसांत काम करपी कर्मचाऱ्यांनी वांटो घेतिल्लो. इनामां भेटवण सुवाळ्याक गोंय बॅडमिंटन असोसिएशनाचे अध्यक्ष नरहर ठाकूर, सचीव संदीप हेबळे, गोंय खेळां पत्रकार संघटनेचे अध्यक्ष महेश गांवकार, सचीव धीरज म्हांबरे आनी हेर उपस्थीत आशिल्ले.
सविस्तर निकालः (बॅडमिंटन-दादल्यां गट) 1. बाम्बिनो डायस, 2. सचीन चाटे, 3. अखील सावंत आनी अमरेश परब, (दादल्यां दोट्टी गट) 1. बाम्बिनो डायस-सचीन चाटे, 2. अमरेश परब-हेमंत परब, 3. अखील सावंत-विजय कांबळे आनी सुभाषीश गोवेंकार-व्हिन्सेंट रोझारियो, (बायलां एकोडी गट)-1. त्रिशा नायक, 2, प्राची गांवकार, 3. सृष्टी अथणीकर आनी मनीषा जाधव.
टेबल टॅनीसः- (दादल्या एकोडी गट)-1. अमरेश परब, 2. बाम्बिनो डायस, 3. सावियो नोरोन्हा आनी समीर नायक, (दादल्यां दोट्टी गट) 1. सावियो नोरोन्हा-बाम्बिनो डायस, 2. समीर नायक-संदीप कुर्डीकार, 3. अमरेश परब-हेमंत परब आनी निखील जल्मी-ओंकार देशप्रभू.
बाम्बिनो डायसाचें दोळे दिपकावपी प्रदर्शन
बाम्बिनो डायसान हे सर्तींत दोळे दिपकावपी प्रदर्शन करतना दोन भांगरा पदकां, एक रुप्या पदक आनी एक कांश्या पदक जिखलें. अमरेश परबान सर्तींत एक भांगरा पदक, एक रुप्या पदक आनी दोन कांश्या पदकां जिखलीं. सचीन चाटेन एक भांगर आनी एक रुपें जिखलें. सावियो नोरोन्हान एक भांगर आनी एक कांश्या पदक जाल्यार त्रिशा नायकान एक भांगरा पदक जिखलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
