भांगरभूंय | प्रतिनिधी
सांखळी भाजपा युवा कार्यकर्त्यांचो उपक्रम
भांगरभूंय । प्रतिनिधी
दिवचलः दिवचल मतदारसंघांतल्या भाजपाचें युवा मंडळ आनी ज्येश्ठ कार्यकर्ते हांच्या जोडपालवान आयोजीत केल्ल्या न्याय सप्तका निमतान 13 एप्रीलाक सुर्ला पंचायत वाठारांतल्या मांडवी न्हंये देगेर आशिल्ल्या पीर साहेब दर्गा वाठारांतले तळयेची नितळसाण केली.
हे कार्यावळीक मंडळ अध्यक्ष गोपाळ सुर्लकार, सुभाष फोंडेंकार, जगा गांवकार, मंगलदास उसगांवकार, शशिकांत नार्वेंकार, बाबलो नाटेकार, तुळशीदास फोंडेंकार, मनोहर वळवयकार, चंद्रकांत घाडी, भोला खोडगीणकार, श्रीपाद घाडी, रामा गांवकार, दीपक नायक, निलेश नायक, अनील कुंडयकार आनी हेर कार्यकर्ते हाजीर आशिल्ले.
शुक्रारा 14 एप्रीलाक सकाळीं 9 वरांचेर बाबासाहेब आंबेडकर हांची जयंती निमतान खाशेले कार्यावळीचें आयोजन केलां. ह्या वेळार मुख्यमंत्री डॉ. प्रमोद सावंत, मंडळ अध्यक्ष गोपाळ सुर्लकार आनी मुखेल कार्यकर्ते हाजीर रावतले.
भाजपा वतीन न्याय सत्पका निमतान सप्तकभर सांखळी मतदारसंघांत विवीध वाठारांनी नितळसाण अभियान, भलायकी शिबीर, सरकारी येवजण्यांची म्हायती दिवप, शेतीक चालना दिवचे खातीर रॅली, बाजरीचे लागवडीची म्हायती, उत्कृश्ट
शेतकारांचो भोवमान, सहभोजनाची कार्यावळ, ज्योतिबा फुले जयंती, व्याख्यानां, रक्तदान, भलायकी शिबिरां, उदक नितळसाण मोहीम अशा कार्यावळींचें आयोजन केल्लें. तातूंत पाळी, वेळगें, सुर्ला, कुडणें, न्हावेली, आमोणें, हरवळे ह्या पंचायत वाटारांतले भाजपा कार्यकर्त्यांनी वांटो घेतिल्लो. शुक्रारा भारतरत्न बाबासाहेब आंबेडकर जयंती 50 बुथांचेर मनोवन कार्यावळीची सांगता जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
