भांगरभूंय | प्रतिनिधी
चीनाचो ग्रॅण्डमास्टर डिंग लिरेनान कझाकिस्तानाच्या अस्ताना शारांत चालू आशिल्ले संवसारीक बुद्दीबळ वस्तादपण सर्तींत जबरदस्त पुनरागमन केलें.
ताणें चवथे फेरयेंत रशियेचो ग्रॅण्डमास्टर इयान नेपोम्नियाशी हाका हारोवन 2-2 अशी बरोबरी सादली. चवथे फेरयें धव्या घुलांनी खेळपी डिंगान उंटाच्या मुखार वयली घूल दोन घरां मुखार व्हरून इंग्लीश ओपनींग वरवीं डावाक सुरवात केली. नेपोम्नियाशीन फोर नायट व्हॅरिएशना वरवीं जाप दिली.
डावाचे सुरवाती सावन डिंग लिरेनान घुलांचो एक घटमूट केंद्र तयार केलें. 15वे चालींत डिंगान आपल्या एका घुलाचो बळी दिवन केंद्राचेर आपली पकड घटमूट करून प्रतिस्पर्धी ग्रॅण्डमास्टराचेर चेपण हाडलें.
नेपोच्या घुलांचो बरो ताळमेळ दिसूंक ना. हे फाटभुंयेर ताणें 28वे चालींत घोड्याची चुकीची चाल खेळ्ळो. हांगा डिंगान नेपोचो घोडो मारतना आपल्या हतयाचो बळी दिवन डावाचेर आपलो शेक दवरलो. नेपोच्या राजाची बाबत स्थिती आनी डिंराच्या घोड्याची उत्कृश्ट स्थितीन 47वे चालींत डिंगाचें जैत निश्चीत केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
