भांगरभूंय | प्रतिनिधी
भांगरभूंय । प्रतिनिधी
केरी-सत्तरीः नावेलीं- मडगांव हांगच्या मनोहर पर्रीकार मैदानार जाल्ल्या राज्य पांवड्या वयले स्क्वे मार्शल आर्ट सर्तींत होंडा- सत्तरीच्या भगवान महावील सरकारी माध्यमीक विद्यालयना सांघिक वस्तादपण मेळयलें.
14 वर्सा पिराये सकयल्ल्या चलयांच्या पंगडांतल्या यशश्री गांवकारान भांगरा पदक मेळयलें जाल्यार सोनिया गांवकारान रुप्या पदक मेळयलें. ऋतुजा गांवडे, तनुजा बोगवेकार आनी स्नेहा दास हांका कांस्या पदकां फावो जालीं. विद्यालयाच्या चल्यांच्या पंगडांतल्या प्रिन्स मळीक आनी सुकडे गांवकारान रुप्याचीं जाल्यार हेमंत गावडे आनी धनेश बनकरान कांस्या पदकां मेळयलीं. दोनूय पंगडांक पीटी शिक्षिका सुलोचना बाराजाणकारान प्रशिक्षीत केल्लें. मुख्याध्यापिका मोनाली नाक आनी क्षमा गांवसान पंगडाक पर्बीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
