भांगरभूंय | प्रतिनिधी
भांगरभूंय । खेळां मेज
पणजीः संवसारीक भलायकी दिसा निमतान मडगांवच्या दक्षीण गोंय जिल्हो हॉस्पिटला वतीन खासा वॉकथॉन आयोजीत केल्लें. जिल्हो हॉस्पिटल तें मडगांव केटीसी बसस्टॅण्डा मेरेन सकाळीं 7 तें 8 मजगतीं जाल्ल्या ह्या वॉकथॉनांत हॉस्पिटलाचे दोतोर आनी कर्मचारी मेळून सुमार 90 जाणांनी वांटो घेतिल्लो.
मुंबयच्या ट्रूवेल्थाची संस्थापक आनी मुख्य कार्यकारी अधिकारी आनी पुश्टीक आहार तज्न राजश्री गाडगिळ हिणे पुश्टीक आहार आनी भलायकी हे संबंदी व्याख्यान जालें. भलायकी बरी दवोरपाक जाय जाल्यार आहाराचेर सगल्यांनी लक्ष दिवपाक जाय अशें तिणे सांगलें. मडगांव जिल्हो हॉस्पिटलाचे वैजकी अधिक्षक डॉ राजेंद्र बोरकार, एक्स्टेंशन एज्युकेटर विशाल गांवकार हांणी फुडाकार घेवंन हे वॉकथॉन आयोजीत केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
