भांगरभूंय | प्रतिनिधी
खबरां संस्था
मुंबयः राजस्थान रॉयल्सा आड 17 बॉलांत 32 धांवड्यो करपी कॅप्टन महेंद्र सिंग धोनी दुखापत जाल्ल्यान चेन्नय सुपर किंग्साचो (सीएसके) पंगडाक सध्या हुस्को जाला. धोनीच्या दोनूय धोपरांक दुखापत जाल्या अशें सीएसकेचो मुखेल कोच स्टीफन प्लेमिंगान सांगलें.
धोनीच्या दुखापतीचेर आमची नदर आसा सीएसकेच्या आयपीएलांतल्या फुडले मॅचींत धोनी खेळटलो काय ना हे विशीं फ्लेमिंगान कांय सांगलें ना. सीएसकेचे जायते खेळगड्यांक दुखापत जाल्ले कडेन आसा. कांय खेळगडे ताका लागून डग आवटांत बशिल्ले आसतात. धोनी तशेंच तांचो दीपक चहर, सिमरजीत, बेन स्टोक्स आनी सिसांडा मगाक लेगीत दुखापत जाल्या. जॅमिसन आनी मुकेश चौधरी दुखापतीक लागून आयपीएल 2023तल्यान भायर पडल्यात. चहर दोन सप्तकां भायर आास आनी सिसांडा आनी एक सप्तक तरी खेळपाक शकचो ना. बेन स्टोक्स बरो जावपाची पंगड प्रतिक्षा करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
