भांगरभूंय | प्रतिनिधी
भांगरभूंय । प्रतिनिधी
दिवचलः दिवचल भाजपा मंडळ आनी ओबीसी मोर्चा वतीन सामाजीक न्याय सप्तका खाला महात्मा ज्योतिबा फुले जयंती मनयली. मुळगांव हांगच्या राष्ट्रोळी ब्राह्मण देवळाच्या आवाठांत आयोजीत केल्ले हे कार्यावळीक लाटंबारशेचो जिल्हो पंचायत वांगडी प्रदीप रेवडकार, आदलो वांगडी संजय शेट्ये, भाजपा मंडळाचे . अर्जुन माळगावकर, डॉ कौस्तुभ पाटणेकर, उत्तर गोवा जिल्हो सरचिटणीस अरुण नायक, थळवे पंच वांगडी. गजानन मांद्रेकार, विशालसेन गाड, मानसी कवठणकार, सुहासिनी गोवेकार, गीतेश गडेकार, अर्जुन शिरगांवकार, देवस्थानाचो अध्यक्ष प्रशांत वायंगणकार हाजीर आशिल्ले.
ह्या वेळार समाजाक योगदान दिल्ल्या 15 जाणांचो मानेस्तांचे हस्तुकीं भोवमान केलो. भाजपा मंडळाचो अध्यक्ष विश्वास गांवकारान सगल्यांक येवकार दिवंन प्रास्तावीक केले. संजय शेट्येन आमदार डॉ चंद्रकांत शेट्येन मतदारसंघांत केल्ल्या उदरगतीच्या कामांचो तशेंच सरकारी येवजण्यांचो नियाळ घेतलो. डॉ कौस्तुभ पाटणेकारान ज्योतिबा फुले हांणी केल्ल्या सामाजीक योगदाना विशीं आपले विचार मांडले. सूत्रसंचालन शाम शिरोडकारान केलें आनी प्रदीप रेवडकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
