भांगरभूंय | प्रतिनिधी
भांगरभूंय । प्रतिनिधी
म्हापशेंः शिरगांवची देवी लईराईची जात्रा आनी म्हापशेची मिलााग्रीस सायबीणचें फेस्त एका दिसा म्हणल्यार 24 एप्रिलाक जातलें. 13 वर्सा उपरांत जात्रा आनी फेस्त एकाच दिसा येवपाचो हो योग जुळून आयला.
श्री लईराई देवी आनी मिलाग्रीस सायबीण सख्ख्यो भयणी अशी भाविकांची श्रद्धा आास. फेस्ताच्या दिसा मिलाग्रीस सायबिणीक शिरगांव लईराई देवस्थाना वतीन तेल आनी म्हापश्यांतल्यान लईराईक जात्रेच्या दिसा सेंट जेरॉम चर्ची वतीन मोगऱ्याचीं फुलां भेट म्हणून धाडटात. ही परंपरा पोर्तुगेज तेपा पसून चलंत आसा.
ईस्टराच्या तिसऱ्या सोमाराक दर वर्सा मिलाग्रीस सायबिणीचें फेस्त जाता. फेस्ताच्या दिसानीच देली लईराईची जात्रा जाता. मात जात्रा आनी फेस्त एकाच दिसाक जावपचो योग सहसा जुळून येना.हाचे पयलीं 19 एप्रील 2010 दिसा असो योग जुळून आयिल्लो. 1970च्या दशका उपरांत 2020 वर्सा 40 वर्सां उपरांत जात्रा आनी फेस्त एकाच दिसा जाल्लें. ते उपरांत आतां तेरा वर्सांनी हो योग 24 एप्रिलाक जुळून आयला. जात्रेच्या दिसा फातोडेर जावपी होमखणाक व्हड म्हत्व आसा.
मिलाग्रीस सायबिणीच्या फेस्ता निमतान येता त्या शुक्रार 14 एप्रिलाक सांजे 6 वरां सावन फेस्ताची नोव्हेना सुरू जातलीं. 15 तें 22 एप्रील मजगतीं सकाळीं 7, 8, आनी सांजे 6 वराचेंर मीस जातलीं, आयतार 16 आनी 23 एप्रिलाक सकाळीं 6.30, 7.45, 9 आनी सांजे 6 वरांचेर मीस जातलें. फेस्ताच्या दिसा सकाळीं 9.30 वरांचेर फेस्ताचें मीस जातलें. ताचे पयलीं सकाळी 5.30, 6.45, 8 आनी 11 वरांचेर मीस जातलें. साजें 4 आनी 5.15 वरांचेर मीस जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
