भांगरभूंय | प्रतिनिधी
धर्मा खातीर वावर करपाचो आमदारांक, मंंत्र्यांंक उलो
पणजी : धर्म आसा थंय जैत आसा. धर्मा खातीर किदें वावर केलो ताची वळेरी आमदार, मंंत्री तशेंच खासदारांनी तयार करची. हिंंदू म्हूण अस्तित्व तिगोवन दवरपाची गरज आसा अशें आवाहन परम पुज्य सदगुरू ब्रह्मेशानंंदाचार्य स्वामी हांंणी केलें.
कुंंडय तपोभूमीचेर राष्ट्रसंंत सदगुरू ब्रह्मानंंदाचार्य स्वामी पुण्यतिथी तशेंच गुरूमंंत्र जपानुष्टान कार्यावळींत ते उलयताले. ह्या वेळार हिंंदू लोकप्रतिनिधींंचो भोवमान जालो. मुख्यमंंत्री डॉ. प्रमोद सावंंत, वीज मंंत्री सुदिन ढवळीकार, आमदार विजय सरदेसाय, केंद्रीय मंंत्री श्रीपाद नायक, सभापती रमेश तवडकार, समाज कल्याण मंंत्री सुभाष फळदेसाय, खासदार विनय तेंडुलकार, आमदार विरेश बोरकार, कृष्णा साळकार, डॉ. चंंद्रकांंत शेट्ये, प्रेमेंद शेट, जीत आरोलकार, केदार नायक हांंचो स्वामींं हस्तुकी भोवमान जालो.
मंंत्री तशेंच आमदारांंनी सगल्यांक समान वागणूक दिवची. पुर्तुगेज राजवटींत हिंंदू देवळांंचो विध्वंंस जाल्लो. हीं देवळां बांंदपा खातीर सरकारान फुडाकार घेवप हो योग्य निर्णय आसा, अशें तांंणी आशिर्वचनाच्या भाशणात सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.