भांगरभूंय | प्रतिनिधी
खबरां संस्था
लंडनः इंग्लिश प्रीमियर लीग फुटबॉल सर्तींत टॉटेनहम पंगडांतलो दक्षीण कोरियाचो खेळगडो ह्युंग मीन सोनान 100 गोल करपी पयलो आशियाई खेळगडो थारपाचो मान मेळयलो. शेनवाराक राती ब्रायटन हांगा जाल्ले मॅचींत टॉटेनहमान 2-1 अशें जैत मेळयलें. खेळाच्या 10व्या मिनटाक सोनान गोल केलो. प्रीमियर लीग सर्तींतलो ताचो व्हो 100 गोल थारलो. तो ताणे आपल्या सर्गेस्त बापायक ओपलो. मॅचींतलो दुसरो गोल हॅरी कॅनान 79व्या मिनटाक केलो.
इंग्लिश प्रीमियर फुटबॉल लीग सर्तींत 100 गोल करपी सोन 34व्या फुटबॉल खेळगडो आसा. सर्तींतले आपले 260वे मॅचींत ताणे हो 100वो गोल केलो. मॅथ्यू टिसियरा कडेन ताणे बोरोबोरी केली. ह्या सिझनात सोनान आतां मेरेन 7 गोल केल्यात. टॉटेनहम खातीर 364 मॅचींत 142 गोल केल्यात. टॉटेनहमच्या इतिहासांत प्रीमियर लीग सर्तीत पंगडा खातीर सगल्यांत चड गोल करपी तो दुसरो खेळगडो धारला.
म्हजो हो शंबरावो गोल हालींच मरण आयिल्ल्या आपल्या बापाकय हांव ओपतां. इंग्लिश प्रीमियर फुटबॉल लीग सर्तींत 100 गोल करपी पयलो आशियाई खेळगडो थारपाचो मान म्हाका मेळ्ळो हाची खोस जाता. आशियाई खेळगडे प्रीमियर लीग सर्तींत बरी कामगिरीक करून दाखोवपाक शकतात हे हाका लागून सिद्ध जालां अशें ह्युंग मीन सोनान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
