भांगरभूंय | प्रतिनिधी
मिथील ढवळीकार: ढवळी जालें बाल युवा किर्तन संमेलन
फोंडें: किर्तना वरवीं समाज प्रबोधन जाता. समजाक बरो मार्ग दाखोवपाची तांक किर्तनांत आसा. भुरग्यांच्या पर्जळीत फुडारा खातीर पालकांनी तांचेर बरे संस्कार करपाची गरज आशिल्ल्याचें माधवराव ढवळीकार ट्रस्टाचे मिथील ढवळीकार हांणी सांगलें.
ढवळी हांगच्या लोक विश्वास प्रतिश्ठानाच्या सिद्धार्थ बांदोडकर सभाघरांत गोमंतक संत मंडळ आनी अंत्रूज पत्रकार संघ फोंडें हांच्या जोड पालवान आयोजीत केल्ल्या बाल युवा किर्तन संमेलनाचें उक्तावण मिथील ढवळीकार हांचे हस्तुकीं जाल्या उपरांत ते उलयताले. ह्या वेळार दिपा मिरिंगकार, अंत्रूज पत्रकार संघाचे अध्यक्ष नरेश गावणेकार, ह. भ. प. सुहास वझे आनी लोकविश्वास प्रतिश्ठानाचे अध्यक्ष अनूप प्रियोळकार माचयेर हाजीर आशिल्ले.
दिपा मिरींगकार हांणी भुरगेपणार भुरग्यांचेर बरे संस्कार करतना पालकांनी तांची तांक पळोवपाी गरज आसा. तांकी प्रमाण भुरग्यांचेर संस्कार करून तांकां योग्य मार्गदर्शन करपाची गरज आशिल्ल्याचें तिणें म्हणलें.
किर्तनकार आनी पत्रकार हांचे मदीं समताय आशिल्ल्यान दोगूय समाजाक बरे दिकेन व्हरपाचे यत्न करता अशें नरेश गावणेकार हांणी सांगलें.
ह्या वेळार अनुप प्रियोळकार हांणी आपले विचार मांडले. सुहास वझे हांणी प्रास्तावीक केलें. आशिष भगत हांणी सगळ्यांचे उपकार मानले. दामोदर कामत हांणी कार्यावळीचें सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
