भांगरभूंय | प्रतिनिधी
भांगरभूंय । प्रतिनिधी
दिवचलः लाटंबारशें पंचायत वाठारांतल्या उसप हांगा लईराई देवीच्या धोंडाक रावपा खातीर शेड बांदपाच्या कामाक हालींच दिवचलचो आमदार डॉ चंद्रकांत शेट्ये हांणी सुरवात करून दिली. उत्तर गोंय जिल्हो पंचायत निधींतल्यान हे काम करतात.
लोकांक जें जाय तें करपाचो म्हजो यत्न आसता. फुडल्या पंचवीस वर्सांचो विचार करून उदरगतीचीं कामां करपांचें हांवें थारायलां. ते खातीर मतदारसंघांतली पंचायत मंडळा आनी लोकांच्या सहकार्याची हांव अपेक्षा करतां अशें डॉ शेट्येन सांगलें.
शेड बांदकामाक सुरवात करतना जिल्हो पंचायत वांगडी प्रदीप रेवोडकार, सरपंच पद्माकर मळीक,पंच वांगडी डॉ रामा गांवकार, कृष्णा आरोलकार, आदलो उपसरपंच बाबासाहेब राणे, पवन राणे आनी थळावे लोक आशिल्ले. शेड बांदून दिवपाची मागणी पुराय जाता देखून धोंड तशेंच गांवच्या लोकांनी खोस उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
