भांगरभूंय | प्रतिनिधी
श्रीरंग बर्वे हांचो भोवमान: विवीध सर्तींतल्या जैतिवंतांक भेटयलीं इनामां
केरी-सत्तरी: पर्यें-सत्तरी शाळा समुहाचें स्नेहसंमेलन हालींच श्री सप्तशती भुमिका देवस्थानांत उमेदीन जालें. विद्यार्थ्यांनी कार्यशाळेत माडांच्या चुडटां पसून केल्ल्या मल्लांचो वापर करून माची सजयल्ली. कार्यावळीक मुखेल सोयरे म्हणून सत्तरी म्हालांतले भागशिक्षणाधिकारी श्रीरंग बर्वे, भालचंद्र भावे, मानाचे सोयरे म्हणून श्री भुमिका उच्च माध्यमीक विद्यालयाचे प्राचार्य यशवंत सावंत, पर्यें शाळा समुहाचे अध्यक्ष तशेंच श्री भुमिका हायस्कुलाचे मुख्याध्यापक दिवाकर पोसनायक, पर्येंची सरपंच रती गांवकार, पर्यें शाळा समुहाची सचीव गीता केरकार, शाळा वेवस्थापन समिती अध्यक्ष, पंच वांगडी, पर्यें मुळाव्या विद्यालयाची शिक्षिका उमा केळकार, अर्जून गांवस (सरकारी मुळावें विद्यालय, घोलवाडो), चुडामणी गांवस (सरकारी मुळावें विद्यालय, बेलवाडा), तृप्ती म्हापसेकार (सरकारी मुळावें विद्यालय, केळावडे), गौतमी शेट कोरगांवकार (सरकारी मुळावें विद्यालय,, रावण), आकांक्षा गांवस, अनिता गांवस, सुरेखा भिंगुर्डे, प्रिया गांवस, प्रसन्ना मायणकार (सरकारी मुळावें विद्यालय, तामिडगी), कर्मचारी वर्ग, शायना पवार तशेंच पालक हाजीर आशिल्ले.
सरकारी मुळावें विद्यालय, पर्येंच्या विद्यार्थ्यांनी येवकार गीतान मानेस्तांक येवकार दिलो. येवकार गीताक पेटयेचेर पुरुषोत्तम च्यारी आनी धनश्री केळकार हांणी तबल्यार साथ दिली. उपरांत दिवली पेटोवन कार्यावळ सुरू जाली. उमा केळकार हांणी अहवाल वाचन केलें. दिवाकर पोसनायक हांणी प्रास्तावीक केलें. गीता केरकार हांणी मानेस्तांची वळख केली. उपरांत मानेस्तां हस्तुकीं वर्सभर घेतिल्ल्या विवीध सर्तींतल्या जैतिवंतांक इनामां भेटयलीं.
ह्या वेळार यशवंत सावंत हांचे हस्तुकीं शाळासमुहा वतीन शाल, श्रीफळ आनी यादस्तीक भेटोवन श्रीरंग बर्वे हांचो भोवमान केलो.
श्रीरंग बर्वे हांणी, पर्यें शाळा समुहांतल्या विद्यालयाचो आंकडो वाडिल्ल्यान तांकां बरें शिक्षण मेळटा. भालचंद्र भावे हांणी शिक्षणीक वर्साच्या घडामोडींचेर मार्गदर्शन केलें.
कार्यावळीचें सुत्रसंचालन गौतमी शेट कोरगांवकार, प्रिया गांवस आनी तृप्ती म्हापसेकार हांणी केलें. हे कार्यावळींत पर्यें, म्हाळशेकरवाडो, घोलवाडा,बेलवाडो, केळावडे, रावण आनी तामिडगी हांगच्या सरकारी मुळाव्या विद्यालयाचो आसपाव आशिल्लो. वंदना भाटवडेकार हांणी उपकार मानले. उपरांत विद्यार्थ्यांनी विवीध सांस्कृतीक कार्यावळी सादर केल्यो. विवीध परंपरीक नाच विद्यार्थ्यांनी ह्या वेळार सादर केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
