भांगरभूंय | प्रतिनिधी
सुधीर तडकोडकार हांचें ‘कोंकणी चंपू काव्य-गायत्री देवी’ उत्कृश्ट कोंकणी पुस्तक
पणजी: डॉ. टी. एम. ए. पै फावंडेशन, मणिपाल हांणी प्रा.(डॉ.) सुधीर मनोहर तडकोडकार (सु.मा.ताडकोड), तिसवाडी, पणजी, गोंय हांच्या ‘कोंकणी चंपू काव्य – गायत्री देवी’ ह्या कोंकणी पुस्तकाची डॉ. टी. एम. ए. पै. उत्कृश्ट कोंकणी पुस्तक पुरस्कार 2021 खातीर नेमणूक जाली. हें पुस्तक देवनागरी लिपींत आसा. 2020त तें प्रकाशीत जाल्लें. 25 हजार रुपया आनी सन्मानपत्र अशें ह्या पुरस्काराचें स्वरूप आसा.
तशेंच 2 कोंकणी पुस्तकांची तोखणायेच्या पुरस्कारा खातीर नेमणूक जाली. 10 हजार रुपया आनी प्रमाणपत्र अशें ह्या पुरस्काराचें स्वरूप आसा. ‘कॅथिलाचो अनामीक’ हो कन्नड लिपींतलो कोंकणी लघुकथांचो संग्रह स्टॅन एगेरा, मुल्की हांणी 2018त उजवाडाक आयला. दुसरें मणिपालचे स. बी. शांताराम बालिगा (आदले संपादक, पंचकदयी कोंकणी मासीक) हांचें ‘सचतुसखाह सुभाषिता गंगा’ हें कोंकणी पुस्तक कन्नड आनी देवनागरी लिपयेंत आसा. 2019 वर्सा हें पुस्तक प्रकाशीत जाल्लें.
ह्या पुस्तकांक हे पुरस्कार बेगीनूच भेटयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
