भांगरभूंय | प्रतिनिधी
भांगरभूंय । प्रतिनिधी
केरी-सत्तरीः कुडणे- साखळी हांगच्या श्री देव कुडणेश्वर देवस्थानाचें वर्सुकी होमकुंड आनी जात्रा सोमार 10 एप्रिला जातली. ह्या निमतान धर्मीक विधी तशेंच सांस्कृतीक कार्यावळी जातल्यो. रातयां धोंडांचो होमकुंड प्रवेश आनी उपरांत कौल प्रसाद जातलो.
मंगळार 11 एप्रिलाक रातया ‘श्रीमंत दामोदर पंत’, बुधवार 12 एप्रिलाक ‘संगीत अयोध्येचा ध्वजदंड,’ बिरेस्तार 13 एप्रिलाक ‘वन टू का फोर’, ह्या नाटकांचे प्रयोग जातले. शुक्रार 14 एप्रिलाक सांजे 7 वरांचेर कुडणेश्वराचें नवे देवूळ बांदपा खातीर निधी एकठांय करपा खातीर काडल्ल्या कुपनांचो ड्रॉ काडटले आनी ते उपरांत ऑर्केस्ट्रा जातलो अशें देवस्थानाचो अध्यक्ष शिवराम मळीक हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
