भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी बालभवन केंद्रा वतीन नगरगांवांत भुरग्यां खातीत गिमाळें शिबीर सुरू केलां. फाटल्या सोमाराक नगरगांवची सरपंच संधया खाडीलकार, पंच वांगडी राजेंद्र अभ्यंकार, बांबरचो ज्येश्ठ कलाकार विष्णू जोशी, पालक-शिक्षक संघटनेची अध्यक्ष सौ. च्यारी हाचें हाजेरेंत दिवली पेटोवन शिबिराचें उक्तावण केलें.
बालभवन केंद्र फाटल्या कांय वर्सां सावन नगरगावांत गिमाळे सुटयेंत भुरग्यां खातीर शिबीर आयोजीत करून तांचे मदले कलेक वाव दिवपाचें काम करता. भुरग्यांनी शिबिराचो बरो उपेग करून घेवपाक जाय अशें खाडिलकारान सांगलें. भुरग्यां खातीर नवे उपक्रम सुरू करपाची गरज आसा. चित्रकला, हातकला, संगीताचें शिक्षण भुरग्यांक ह्या शिबिरांतल्यान मेळटले अशें राजेंद्र अभ्यंकारान सांगलें.
बालभवनाच्या शिबिराचो आतां मेरेन जायत्या भुरग्यांक कला शिकपाक उपेग जाला अशें प्रेमानंद कुंभारान सांगलें. भुरग्यांक ल्हानपणा सावन सगळ्या वांगडा वावुरपाची संद दिवपाक जाय. ल्हानपणान जे संस्कार जातात ते निमाणे मेरेन तिगून रावतात अशें विष्णू जोशीन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
