भांगरभूंय | प्रतिनिधी
भांगरभूंय । प्रतिनिधी
काणकोणः पर्तगाळ जिवोत्तम मठाचे स्वामी श्रीमद् विद्याधीशतीर्थ स्वामी आयच्यान (बुधवार 5 एप्रील) गोंय आनी कर्नाटकांतल्या वेगवेगळ्या वाठारांत संचार करपा खातीर भायर सरतले. 9 जुलयकाक महाराष्ट्रांतल्या पनवेल हांगच्या शांतीकुंज सेवाश्रमांत ते चातुर्मास व्रताचरणाक सुरवात करतले.
5 तें 8 एप्रील मजगती स्वामी नागेश महारुद्र संस्थान- बांदोडे हागच्या वर्सुकी उत्सवाक हाजीर रावतले. 12 एप्रिलाक पर्तगाळ मठांत इंदिराकांत तीर्थ स्वामींचे 81 वे पुण्यतिथीक ते हाजीर रावतले. 14 ते 18 एप्रील मजगतीं ते श्रीलक्ष्मी व्यंकटेश मंदीरृ सिद्धापूर हांगा धर्मीक उत्सवात वांटेकार जातले. 19 तें 23 एप्रिलाक श्री महाविष्णू मंदीर- शिरसी हांगा वरदांती उत्सवाक हाजीर रावतले.
2 ते 4 मे मजगतीं हुबळीच्या शेई सरस्वती सदन, 5 तें 9 मे मेरन होन्नावरच्या लक्ष्मी व्यंकटेश मंदीर,, 14 तें 21 मेक गोकर्ण मठ, 22 तें 24 मेक सनातन गोपाळकृष्ण देवस्थान, अन्नामेबल मोदीपू. 24 मेक श्री व्यकंटरमण स्वामी देवस्थान बंटवाल हागां सहस्त्रकलशाभिषेक कार्यावळी उपरांत 28 मेक ते परत पर्तगाळ मठांत येतले. ७ जूनाक ते येल्लापूरचे धर्मीक कार्यावळीर वचून पर्तगाळ मठांत येतले.
28 जूनाक पर्तगाळ मठांत विद्याधिराज स्वामीची दुसरी पुण्यतिथ जातली. 1 तें 7 जुलयाक बेळगांवच्या विद्याधिराज सभाघरांतले कार्यावळी उपरांत 8 जुलयाक ते पनवेलच्या शांताकुंज सेवाश्रमांत आनी 9 जुलयच्यान थंय चातुर्मास व्रताचरणाक सुरवात करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
