भांगरभूंय | प्रतिनिधी
भांगरभूंय । प्रतिनिधी
वाळपयः सत्तरींतल्या ब्रह्माकरमळी हांगा आशिल्ल्या पोरण्या पुलाचे सुवातेर नवो रूंद पुल जातलो. ताच्या बांदकामाक सरपंच संध्या खाडीलकार आनी हेर पंच वांगड्यांनी सुरवात करून दिली. ब्रह्माकरमळी, शेळप, नानेली आनी शिंगणे वाठारांत जावपाक पुलाचो वापर जाता. मात तो अशीर आशिल्ल्यान नवो पूल बांदपाची थळावे लोक आनी वाहनचालकांची मागणी आशिल्ली.
वाळपयच्या बांदकाम खात्याच्या कार्यालयान पूल प्रस्ताव तयार करून तो सरकाराक सादर केल्लो. पोरण्या पुला जावपी येरादारींत वाड जाल्ल्यान नव्या पूलाची गरज आशिल्ली. नव्या पुला खातीर वाळपयचो आमदार आनी भलायकी मंत्री विश्वजीत राणे हांणी विशेश यत्न केल्ल्यान पुलाचें काम सुरू जावपाक शकलें अशें सरपंच खाडीलकारान सांगलें. नगरगांव ग्रामपंचायत वाठारांत जायते कडेन उदरगतीचीं कामां सुरू आसात अशी म्हायती तिणे दिली.
————————————————————–
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
