भांगरभूंय | प्रतिनिधी
भांगरभूंय । प्रतिनिधी
केंपेंः कुडचडें हांगच्या दी न्यू एज्युकेशनल इन्स्टिट्यूट वतीन सांगें आनी केंपें तालुक्यांतल्या भुरग्यां खातीर कुडचडेंच्या खेळां संकुलांत 4 तें 23 एप्रील मजगतीं गिमाळें खेळां शिबीर आयोजीत केलां. तातूंत बॅडमिंटन, टेबल टॅनीस, बुद्दिबळ ह्या इनडोअर आनी क्रिकेट, फुटबॉल, व्हॉलिबॉल ह्या आवट डोअर खेळांचें मुफत प्रशिक्षण दितले अशी म्हायती न्यू एज्युकेशनल इन्स्टिट्यूट वेवस्थापन समितीचो अध्यक्ष प्रदीप काकोडकार हांणे एके पत्रकार परिशदेंत दिली.
पत्रकार परिशदेक वेवस्थापन समितीचो वांगडी विजय काकोडकार, मुख्याध्यापक सूरज जोशी, पालक- शिक्षक संघाचो उपाध्यक्ष शखील शेख, शिक्षक महेश भगत आनी सागर गोसावी हाजीर आशिल्लो. सध्या विद्यार्थ्यांक गिमाळी सुटी पडल्या. मोबायल आनी हेर गजालीं पसून भुरग्यांक पयस दोवोरपाच्या हेतान 21 दिसांचें हें शिबीर आयोजीत केलां. तातूंत सुमार 350 विद्यार्थी वांटेकार जातले. 70 विद्यार्थ्यांचो एक पंगड तरून तांकां सकाळी 6-30 तें 9.30 मेरेन प्रशिक्षण दितले. सुरवेक स दीस तांका साबार प्रशिक्षण दितले उपरांतच्या 14 दिसांत विद्यार्थ्यांक ज्या खेळाची आवड आसा ताचें प्रशिक्षण दितले अशें काकोडकारान सांगलें. शिबिरांत आठ वर्सा पिराये वयल्या भुरग्यांक प्रवेश दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
