भांगरभूंय | प्रतिनिधी
भांगरभूंय । प्रतिनिधी
वास्कोः जेटी मुरगांव हांगची 19 वर्सा पिरायेची अश्टतासी क्रिकेट खेळगडी पूजा अजयसिंह यादव हिची गोंय बायल क्रिकेट संघटनेच्या बायलांच्या प्रीमियर क्रिकेट लीग (डब्ल्यूपीएल) सर्ती खातीर पणजी जिमखाना पंगडांत सुवात मेळ्ळ्या. ते खातीर मुरगांव बंदरांतल्या ग्रूप डेल्टा आस्थापना वतीन तिचो क्रिकेट कीट भेटोवन भोवमान केलो.
पूजा यादवाक क्रिकेटीत कारकिर्द घडोवपा खातीर ग्रूप डेल्टाचो उपाध्यक्ष राघोबा कोटकारा मजत करता. पूजाचो बापूय अजयसिंह यादव ग्रूप डेल्टांत फाटल्या कांय वर्सां सावन काम करता. शालेय पांवड्यार क्रिकेट खेळपाक सुरवात करून पूजा यादवान गोंय बायल क्रिकेट संघटने वतीन आयोजीत केल्ल्या वेगवेगळ्या सर्तींत बरी कामगिरी करून दाखयल्या. फाटल्या शेनवारा सावन डब्ल्यूपीएल सर्तीक सुरवात जाल्या. तातूंत पणजी जिमखाना, सेलेस्ट सुपर व्हुमन, एमसीसी , जीनो, वॅन्जर ह्या पंगडांनी वांटो घेतला. सर्तीच्यो मॅची पर्वरी हांगा गोंय क्रिकेट संघटनेच्या मैदानार जातात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
