भांगरभूंय | प्रतिनिधी
म्हापशें: थिवी रेल्वे स्टेशनार एका दुकानाक उजो लागून चार लाखांचें लुकसाण जालें. ही घडणूक 31 मार्चाक फांतोडेर 4 वरांच्या सुमाराक घडली.
रेल्वे स्टेशनाच्या प्लॅटफॉर्मार आशिल्ल्या दुकानां मदल्या अमीत पांजी हाच्या दुकानाक उजो लागलो. ताचो लासून गोबर जाले उपरांत कुशीच्या मोहम्मद शरीफ हाच्या दुकानाक उजो लागलो. ताका लागून ताचेंय लुकसाण जालें.
उजो पालोवपी दळान येवन उजो पालोवपाचो यत्न केलो, पूण दुकानाचें शॅटर वेल्डींग केल्ल्यान तें घट्ट बसलें आनी उक्तें जायना जालें. जवानांनी शॅटराचे खांचींतल्यान तशेंच एक्सोस फॅनाच्या बुरकांतल्यान उदक आनी फोम मारून उजो पालयलो. पूण ते मेरेन दुकानांतलो सगळो म्हाल लासून गेल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
