भांगरभूंय | प्रतिनिधी
पी व्ही सिंधू आनी किदाम्बी श्रीकांत हांणी काल आपआपल्या गटांतली मॅच जिखून माद्रीद स्पेन मास्टर्स बॅडमिंटन सर्तीचे एकोड्या गटांतले क्वॉर्टरफायनलींत सुवात मेळयली.
दोन खेपेची ऑलिम्पीक पदक जैतिवंत पी व्ही सिंधून अंदूं पयले खेपे निमाण्या आठांनी पावल्या. तिणें एका वरा परस अदीक वेळ चलिल्ले मॅचींत इंडोनेशियाचे पुत्री कुसुमा वारदानी हिका 21-16 आनी 21-14 अशा सरळ गेमींनी हारयली.
मजगतीं, दादल्यांच्या एकोड्या गटांत श्रीकांतान आपल्याच देशाच्या बी साई प्रणीताक 21-15 आनी 21-12 अशा फरकांनी हारोवन निमाण्या आठांतली आपली सुवात निश्चीत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
