भांगरभूंय | प्रतिनिधी
भांगरभूंय । प्रतिनिधी
काणकोणः दक्षीण गोंयांतल्या मुखेल जात्रे पैकीं एक आशिल्ली पर्तगाळ मठात रामनम जात्रा आनी राम जल्मोत्सव व्हडा उमेदीन मनयलो. सकाळी विधीपत पूजा जाल्या उपरांत मठांत राम जल्म सुवाळो जालो.
आपल्या आशिर्वचनाच्या उलोवपांत स्वामी विद्याधिदेश वडेर स्वामीनी रामाचो आवय-बापा वयलो मोग, बायले वयली निश्ठा, भावांचेर आशिल्लो मोग आनी दुस्मानाक लेगीत मानान वागोवपाची पद्दत हे विशीं म्हायती दिली. प्रभू रामचंद्रांच्या गुणाचें आचरण करपाचें आवाहन तांणी केलें. रामान दुसऱ्यांच्या बायलांचो भोवमान केलो जाल्यार रावणान दुसऱ्याचे बायलेचें अपहरण केलें. स्वामींनी रामनमीचें म्हत्व सांगलें.
सांजे 5 वरांचेर रथारोहण जालें. जात्रेक व्हडली फेरी भरिल्ली. तातूंत शेतांचीं आवता. फर्निचर, तयार कपडे आनी खाज्याचें मांड आशिल्ले. रामनमीक पर्तगाळ मठ समितीचो अध्यक्ष रीनिवास धेंपो, उपाध्यक्ष शिवानंद साळगांवकार, आदलो मुख्यमंत्री आनी मडगांवचो आमदार दिगंबर कामत, आमदार विजय सरदेसाय आनी हेर मानेस्त तशेंच गोंय, कर्नाटक, आनी मुंबयचे मठ अनुयायी हाजीर आशिल्ले. ह्या वेळार श्री पुरुषोत्तम पुरस्कार सर्गेस्त वेदमूर्ती वरदराज भट हांच्या घरच्याक भेटयलो. कार्यावळीचें संचालन अनिल पै हाणे केलें. अंदूचो चातुर्मास पनवेल हांगा मनयतलो अशें ह्या वेळार स्वामींनी जाहीर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
