भांगरभूंय | प्रतिनिधी
भांगरभूंय । प्रतिनिधी
काणकोणः काणकोणच्या अबकारी कार्यालयाच्या अधिकाऱ्यांनी खात्याचे आयुक्त नारायण गाड हाच्या मार्गदर्शना खाला बुधवारा फातोडेर एका कंटेनरांतल्यान कर्नाटकांत व्हरतालो तो बेकायदेशी सोरो जप्त केलो. ताचो ड्रायव्हर गौडा हांका अटक केल्या.
अबकारी खात्याचो उपायुक्त चंद्रशेखर देसाय हाणे दिल्ले म्हायती प्रमाम बुधवारा गोंयचे शीमेर पोळे हांगच्यान कर्नाटकांत वचपी केए 01 एम 5329 ह्या कंटेनराची तपासणी अबकारी गार्डांनी केली. तांका तातूंत 30 हजार 400 रुपये मोलाचो सोरो सांपडलो. ह्या कंटेनरांतल्यान बंगळुरूच्यान पिझ्झा बेज हाडून गोंयच्या वेगवेगळ्या वाठारांत ताची पुरवण करपाचें काम करतात.
पिझ्झाच्या प्लास्टिक ट्रेंत सोऱ्याच्यो बाटल्यो घालून तो कर्नाटकांत व्हरताले. अबकारी खात्यान व्हो कंटेनर जप्त केला. ताचें मोल सुमार 22 लाख रुपया आसा. चंद्रशेखर देसाय फुडलो तपास करता, जयेश बांदेकार, जगदिश तिळवे, औदुबंर पेडणेकार, प्रवीण चोडणकार, प्रसाद देसाय हांणी व्हो कंटनेर आडावन तपासणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
