भांगरभूंय | प्रतिनिधी
धृविका स्वयं सहाय्य गट, बोडगूल कासारवर्णे वतीन बायलां दीस उमेदीन
दिवचल: आयज गांवगिर्या वाठारांत कला आनी संस्कृतीचें दर्शन घडटना दिसता. गांवगिर्या वाठारांतल्यो बायलो भारतीय संस्कृतीची राखण करपाक सदांच फुडें आशिल्ल्यान तांकां फाटबळाची गरज आसता. आपलें कुटूंब सांबाळटना दरेका घोवान आपले घरकान्नीच्या फाटल्यान रावप गरजेचें. अशें जाल्यारूच गांवगिरी संस्कृताय तिगता, अशें पल्लवी प्रवीण आर्लेकार हांणी सांगलें.
बोडगूल, कासारवर्णे हांगा धृविका स्वयं साहाय्य गटान आयोजीत केल्ले बायलां दीस कार्यावळींत पल्लवी आर्लेकार उलयताली.
मानेस्तांची हाजेरींत आमदार प्रवीण आर्लेकार हांची घरकान्न पल्लवी आर्लेकार हांचे हस्तुकीं दिवली पेटोवन बायलां दीस कार्यावळीचें उक्तावण जालें.
ह्या वेळार कासारवर्णे सरपंच नवनाथ नायक, बोडगुल प्रभागाचे पंच अवनी गाड, वारखंड सरपंच गौरी जोसलकार, राष्ट्रोळी युवा सांस्कृतीक आनी खेळां मंडळाचे अध्यक्ष सदाशीव शेटकार, श्री कला आनी संस्कृतचे अध्यक्ष राघोबा पालयेंकार, कासारवर्णेचे आदले सरपंच रमेश पालयेंकार, क्लबाचे आदले अध्यक्ष दयानंद पालयेंकार, ध्रुविका गटाची अध्यक्ष निकिता पालयेंकार, महिला मंडळाची अध्यक्ष रजनी पालयेंकार आनी हेर मानेस्त हाजीर आशिल्ले.
ह्या वेळार नवनाथ नायक, अवनी गाड, दयानंद पालयेंकार, निकिता पालयेंकार, प्रणिता पालयेंकार हांचीं भाशणां जालीं. ह्या वेळार घेतिल्ल्या विवीध सर्तींत संपदा शेटकार, अवनी गाड, अदिती पालयेंकार, निकिता पालयेंकार, दिपश्री पालयेंकार, नीता शेटकार, अश्विनी शेटकार, करिष्मा दिपक पालयेंकार हीं जैतिवंत जालीं. बायलांनी आनी चलयांनी ह्या वेळार नाच सादर केले. तशेंच एक पात्री संवाद सादर केले.
येवकार गीतान मानेस्तांक येवकार दिलो. मानेस्तां हस्तुकीं इनामां भेटयलीं. कार्यावळीचें सुत्रसंचालन करिष्मा पालयेंकार हांणी जाल्यार निकिता पालयेंकार हांणी उपकार मानले. ह्या वेळार बायलो व्हडा संख्येन हाजीर आशिल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
