भांगरभूंय | प्रतिनिधी
दिवचलः मयें वायंगिणीची सरपंच म्हूण सुवर्णा चोडणकार हांची बिनविरोध निवड जाली.
पंचायत कार्यालयांत आयोजीत विशेश बसकेंत सरपंचपदा खातीर एकूच अर्ज आयिल्ल्यान सुवर्णा हांची बिनविरोध निवड जाल्ल्याचें वेंचणूक अधिकारी शिरीषकुमार तारी हांणी जाहीर केलें. ह्या वेळार सचीव प्रणय गावडे हाजीर आशिल्ले.
11 वांगड्यांच्या पंचायत मंडळांत दिलीप शेट हांणी सरपंचपदाचो आपलो कार्यकाळ पुराय जाले उपरांत राजिनामो दिल्ल्यान सरपंचपद रितें जाल्लें.
ह्या वेळार सगळे पंच हाजीर आशिल्ले. आमदार प्रेमेंद्र शेट, भाजपा मंडळ अध्यक्ष दयानंद कारबोटकार हांणी सरपंच सुवर्णा चोडणकार हांकां परबीं दिलीं.
आमदार, राज्य सरकार आनी पंचायत मंडळ हांच्या आदारान उदरगतीक चालना दिवचे खातीर प्रामाणीक यत्न करतलीं, अशें सरपंच चोडणकार हांणी सांगलें. बसकेक दिलीप शेट, सुफला चोपडेंकार, सीमा आरोंदेकार, विद्यानंद कारबोटकार, वासुदेव गांवकार, विशांत पेडणेंकार, कृष्णा चोडणकार, विनिता पोळे, वर्षा गडेकार, कनिवी कवठणकार हाजीर आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
