भांगरभूंय | प्रतिनिधी
भांगरभूंय । प्रतिनिधी
बोरयेः शिरोडकार ब्रदर्सान आयोजीत केल्ले दुसरे शिरोडें प्रीमियर लीग क्रिकेट सर्तांत शिरोडेच्या डॉमिनेटर्सान विदिशा क्रिकटर्सांक हारोवन वस्तादपण मेळयलें. निमणे ओव्हरीत बरी बॉलिंग करून ताणे जैत मेळयलें. इनाम म्हणून तांका 1 लाख रुपया आनी शिरोडकार करंड भेटयलो.
फायनलींत तृप्तेश फडते आनी कुणार पारपती हांच्या तुफानी खेळान ही मॅच रंगली. विदिशा किकेटर्साची फिल्डींग बरी जाली ना. हे सर्तींतल्यो मॅची यूट्युबार दाखयताले. नदीम हाचे कॉमेंट्रीक लागून दरेक मॅच लोकांक पळोवपाक मेळ्ळी. फायनलीक मुखेल सोयरे म्हणून खेळां मंत्री गोविंद गावडे हाजीर आशिल्लो. आपल्या भुरग्यांक खेळपा खातीर मैदानार धाडपाचें आवाहन ताणे पालकांक केलें. पंचायतींक मैदानाचो थाराव पास करून सराकाराक धाडपाक ताणे सांगलें.
काराय मैदानार जायत्यो सुविधा उपलब्द करून दिवंन थंय तरेकवार सर्ती आयोजीत करतले अशें सुभाष शिरोडकारान सांगलें. सरपंच पल्लवी शिरोडकारान सुरवेक सगल्यांक येवकार दिलो. उपकार उत्कर्श शिरोडकारान मानले. ह्या वेळार माचयेर जिल्हो पंचायत वांगडी नारायण कामत, पंच वांगडी सुहान नायक, शिरोडें अर्बनाचो अध्यक्ष आनी पंच वांगडी शिवानंद नायक, मेघनाद शिरोडकार, जयेश नायक, क्रिस्तेव डिकॉस्ता, अमीर गांवकार, शैलेश बोरकार, डॉ गौरी शिरोडकार आशिल्ले.
सर्तींत कुणार पारपती, दिनेश कळंगुटटकार, तृप्तेश फडते, अमीर गडेकार हांगा वैयक्कीत इनामां फावो जाली. उपांत्य फेरयेत हारल्ल्या वाळपेश्वर कामाक्षी आनी बोरी स्पोर्ट्स क्लबाक रोख इनामां दिलीं. वट्ट 16 पंगडांनी हे सर्तींत वांटो घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
