भांगरभूंय | प्रतिनिधी
भांगरभूंय । प्रतिनिधी
फोंडेंः स्वामी ब्रह्मानंद संस्कृत प्रबोधिनी, गोंय संस्कृत अकादमी, स्वामी ब्रह्मानंद म्हाविद्यालय आनी गोंय सरकाराचें राजभास संचालनालया हांणी कुंडयच्या तपोभूमीच्या तीन दशक पूर्ती नितमान आयोजीत गोंय संस्कृत म्हासंमेलन आयोजीत केल्लें. तातूंत उत्कृश्ठ संस्कृत पाठशाळा म्हणून ओपा-खांडेपार संस्कृत पाठशाळेक गौरव आनी ठाणे वाळपय हांगच्या जयंत फातर्पेकार हांका आदर्श संस्कृत शिक्षक गौरवान भोवमानीत केलें.
स्वामी ब्रह्मानंद संस्कृत प्रबोधिनी वतीन 40 परस चड संस्कृत पाठशाळांच्या माध्यमांतल्यान संस्कृत भाशेचे ज्ञानदान करतात. तशेंच संस्कृत भाशेंत पदवी मेरेनचे शिक्षण दिवपी गोंय विद्यापिठाची मान्यताय आशिल्ले एकसुरे स्वामी ब्रह्मानंद म्हाविद्यालय ब्रह्मेशानंद स्वामीच्या मार्गदर्शना खाला चलता.
वेद, संस्कृत, ज्योतिश योग अश्या पुरातन विद्या साबार लोकां मेरेन पावचें हे खातीर ब्रह्मानंद स्वामीन गोंयांत क्रांती केली. आमची भास, आमचो धर्म, आमचे संस्कार हाचे कडेन वचपाची आयज सामकी गरज आसा. ते खातीर साबार लोकांनी संस्कृत आपणावची अशें यत्न संस्कृत पाठशाळां वतीन यत्न सुरू आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
