भांगरभूंय | प्रतिनिधी
भांगरभूंय । प्रतिनिधी
दिवचलः संस्कृती संवर्धन प्रतिश्ठान-मुंबयन आयोजीत केल्ले गोंय पांवड्या वयले रामायण- म्हाभारत क्रांती गाथाचे अंदूचे परिक्षेंत खोलपेवाडी साळ हांगच्या शिवाजीराजे विद्यालयाचे विद्यार्थ्यांनी बरें येश मेळयलें.
हे परिक्षेंत अंत्रा नंदकिशोर दळवी (यत्ता चवथी) हिणे तिसरो नंबर जाल्यार म्हाभारत आनी क्रांती गाथा परिक्षेंत तनया संजय सावंत (यत्ता 6वी) हिणे दुसरो, कशिश भीमसेन गांवस (यत्ता 6वी) हिणे तिसरो नंबर मेळयलो. प्रतिज्ञा विष्णू नायकान (यत्ता 7वी) दुसरो नंबर मेळयलो.
फोंडें हांगा जाल्ले एकपात्री अभिनय सर्तींत दैविक राणेन पयलो नंबर मेळयलो. हे परिक्षा सर्तींत चवथीतले 19, पांचवे यत्तेतले 30 आनी सवे यत्तेतल्या 29, सातवे यत्तेंतल्या 24 आनी आठवे यत्तेंतले 13 विद्यार्थी बशिल्ले. तांका शिक्षिका सुकन्या केणी, करिष्मा पालयेकार, महादेव मालवणकार, गणपत डांगी हांचें मार्गदर्शन फावो जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
