भांगरभूंय | प्रतिनिधी
खबरां संस्था
नवी दिल्लीः भारताचो फास्ट बॉलर जसप्रीत बुमहाराक स्ट्रेस फ्रॅक्चर जाल्ल्यान तो फाटल्या स म्हयन्यां सावन पंगडा भायर आसा. तो केन्ना परत खेळपाक शकतलो हे विशीं अजून कोणूंय कांय सांगपाक शकना. ताचे फाटीक दुखापत जाल्या आनी तिचेर न्यूझिलंडान म्हत्वाचें ऑपरेशन जावपाचें आसा. शस्त्रक्रिया आनी दुखापतीची म्हायती फकत एनसीए मुखेली व्हीव्हीएस लक्ष्मण हाचेच कडेन आसतली.
बुमहाराची दुखपात सध्या सगळ्यां खातीर कुवाडें आसा. दुखापतीक लागून तो स म्हयन्यां सावन पंगडा भायर आसा. दरेका मालिके वांगडा तो पंगडांत येतलो अशी तागेलें बरें मागतल्यांक दिसता. मात वेगळेंच घडटा. ताचे दुखापती विशीं आतां सस्पेंस तयार करतात. भारतीय पंगडाचो कॅप्टन रोहीम शर्मा आनी मुखेल कोच राहुल द्रवीड हांकांय ते विशीं म्हायती ना. बीसीसीआय बुमहाराचे दुखापती विशीं कसलीच म्हायती दिना.
बीसीसीआयन बुमहाराच्या दुखापती विशीं अपडेट मेळोवपा खातीर लक्ष्मणाची नियुक्ती केल्या. निवड समितीक लेगीत दुखापती विशीं म्हायती आसची ना. बुमराह 25 सप्टेंबर 2022 दिसा मैदानांत देंवल्लो. ऑस्ट्रेलिये आडचे टी-20 मॅची उपरांत ताका स्ट्रेस फ्रॅक्चर जाला आनी तो फुडले माळेंत खेळचो ना अशी खबर आयली. देशांतर्गत क्रिकेट तो खेळटलो अशी अपेक्षा आशिल्ली. मात अधिकृतपणान बीसीसीआयन कांय सांगलें ना.
बुमराहाचेर केल्लें ऑपरेशन येसस्वी जाली अशी खबर ह्या म्हयन्याचे सुरवेक आयिल्ली. मात तरीय ताका पुनरागमन करपाक वेळ लागलो. बुमराह जूनात जावपी वर्ल्ड टॅस्ट चॅम्पियनशीपचे फायनलींत खेळचो ना. तशेंच आशियाई कपांत लेगीत तो खेळपाची आस्त उणी आसा. तो केन्ना मैदानांत येतलो हें फकत बीसीसीआयू सांगपाक शकता. ताका जाल्ली दुखापत बरी जावपाक बरोच वेळ लागल्यार तांगेली क्रिकेट कारकीर्द धोक्यांत येवपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
