भांगरभूंय | प्रतिनिधी
भांगरभूंय । प्रतिनिधी
मुरगांवः वास्कोंतल्या चिकन मार्केटाची दुरुस्ती करून थंय चलपी सगळ्या वेव्हाराचें सूसुत्रीकरण करतले अशी म्हायती वास्कोचो आमदार कृष्णा साळकारान दिली. ह्या मार्केटांतल्या कांय दुकानांत बेकायदेशीरपणान गायचें मांस विकतात. ताका लागून गिरायक ह्या मार्केटा कडेन येना अशी थंयच्या चिकन आनी मटक विक्रेत्यांच्यो कागाळी आसात. हातूंत लक्ष घालून जे कोण मांस विकतात तांचेर कारवाय करपाची सूचोवणी आपणे मुरगांव पालिका नगराध्यक्ष लिवो रॉड्रिग्ज हाका केल्या अशें ताणे सांगलें. वास्को मार्केटांत जे बेकायदेशीर स्टॉल आसात तांचेर पालिका मंडळ कारवाय करतलें अशें रॉड्रिग्ज हाणे सांगलें.
वास्को भाजी मार्केटांतल्या काय स्टॉलांनी कोंबड्यो मारतात. तें खपोवन घेवचे नात. भाजी मार्केट, फळ मार्केटाचें आमी सूसुत्रीकरण केल्ल्यान मार्केटांत येवपी लोकांक फिरपाक आतां त्रास जायनात. मार्केटांनी अतिक्रमणा जावची न्ही हे खातीर आमी अकस्मात तपासणी करतात अशी म्हायती ताणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
