भांगरभूंय | प्रतिनिधी
राश्ट्रीय शिक्षण धोरण 2020 अंतर्गत शास्त्रीय आनी तंत्रीक परिभाषा आयोगान इलेक्ट्रॉनिक्साची मुळावी शब्दावली (इंग्लीश – हिंदी – कोंकणी) कार्यशाळा गोवा विद्यापीठाच्या गोवा बिझनेस स्कूलांत आयोजीत केल्या. आयज तिचो निमाणो दीस.
इलॅक्ट्रॉनीक वस्तूंचे कोंकणीतलें शब्द कितें हाचो अभ्यास करून इंग्लीश – कोंकणी पुस्तक काडपाच्या उद्देशान गोंय विद्यापीठाची संगणक शास्त्र आनी तंत्रगिन्यान विभागाची प्रा. ज्योती पवार आनी शास्त्रीय आनी तंत्रीक परिभाषा आयोग शिक्षण मंत्रालयाचे प्रभारी जे. एस. रावत हांच्या मार्गदर्शना खाला आर. एस गड, डॉ. समर्थ बोरकार, डॉ. अनिकेत गांवकार, स्त्रिग्धरा नायक, मंगेश राजन देसाय, किरण बुडकुले, डॉ. चंद्रलेखा डिसोझा, डॉ. प्रकाश पर्येंकार, दामोदर घाणेकार, डॉ. अदिती बुडकुले, रामदास करमली, ज्ञानेश्वर पाटील, वेंकटेश प्रभु, गौरीश नायक, रमा मुरकुंडे, कपिला देसाय आनी हनुमंत रेडकार ह्या संस्कृत तज्ञ, भाशा तज्ञ, भाशाशास्त्रांतलें तज्ञ आनी संशोधन सहाय्यक काम करतात.
शास्त्रीय आनी तंत्रीक परिभाषा आयोगान गिरीशनाथ झा हांच्या अध्यक्षते खाला आता मेरेन तमिळ, तेलुगू, मलयाळम, गुजराती, बंगाली, हिंदी, मणिपुरी, कन्नड, पंजाबी ह्या भाशांचें कोश प्रकाशीत केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
