भांगरभूंय | प्रतिनिधी
भांगरभूंय । प्रतिनिधी
दिवचलः मुळगांव हांगच्या श्री देवी केळबायची पेठेची जात्रा आयतार 26 मार्चाक जातली. पाडव्या सावन देवीचेंत्रे व्रत सुरू जालां आनी रामनमी मेरेन धोंड व्रत करतात.
जात्रे निमतान सकाळी धर्मीक विधी, दनपारां व्रतस्थ धोंड देवीचे तळयेर न्हांवून देव दर्शन घेतात. सांजे देवीची पेठ सजयतात. आबेलेच्या फुलांनी सजयल्ली पेठ मध्यान रातीं वाजत गाजत व्हाळशी, बोर्डे, कराटीची मळी, दिवचलची भायली पेठ, सोनार पेठ हागच्यान मयें हांगा व्हरतात.. 30 मार्चाक फांतोडेर पेठे मुळगांवा हाडटात आनी थंय कौलोत्सव सुरू जावंन सांजे धोंडांक कौल दिल्या उपरांत ताचो समारोप जाता.
ते उपरांत 30 मार्च तें 3 एप्रील मेरेन रातयां नाट्य प्रयोग जातात. मजगतीं जात्रेच्या दिसांनी आनी कौलौत्सवाक वेळार फेरयेंत गोबी मंच्युरियनाचें मांड घालपाक दिवचे नात अशें देवस्थानाचो अध्यक्ष वसंत गाड हांणी सांगलें. देवस्थान समितीन तसो निर्णय घेतला आनी ताची अंमलबजावणी करतले अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
