भांगरभूंय | प्रतिनिधी
भांगरभूंय । प्रतिनिधी
मडगांवः साश्टी महिला संघटना आनी गोमंत विद्यानिकेतन हांणी मडगांवच्या रवींद्र भवऩाच्या ब्लॅक बॉक्सांत आयोजीत केल्ली काव्य मैफल कार्यावळ रंगली. ह्या वेळार लेखिका माया खरंगटे, कविता बोरकार आनी चित्रा क्षीरसागरर हांचो तांणी तांच्या मळार केल्ल्या उल्लेखनीय वावरा खातीर भोवमान केलो.
बायल सबलीकरणा खातीर वावुरपी आशा आरोंदेकार मुखेल सोयरी म्हणून हाजीर आशिल्ली. बायलांनी कसल्याय प्रसंगा वेळार काचाबूल जावपाक जायना. तांणी स्वताचो ल्हान- व्हड वेवसाय करून आपल्या पांयांचेर उबें रावपाचो यत्न करपाक जाय. जायत्यो बायलो सद्या येसस्वी उद्देजिका म्हणून फुडें आयल्यात. येसस्वी बायलांचो आपली संस्था ओर्किड पुरस्का दिवंन भोवमान करता अशें तिणे सांगलें.
गोंय बायलां आयोगाची अध्यक्ष रंजिता पै हिणे बायलांचेर जावपी अत्याचार आनी मानसीक छळ हाका वाचा फोडली. स्नेहा भागवतान बायलांनी भलायकेची कशी जतनाय घेवची हे विशीं मार्गदर्शन केलें. सचिका शर्मान इंग्लिश कवितेचेर मुद्रा नाच सादर केलो. सुरवेक आशा आरोंदेकार हिणे दिवली पटोवन कार्यावळीचें उक्तावण केलें. रंजिता पै, डॉ स्नेहा भागवत, साश्टी महिला संघटनेची अध्यक्ष रजनी रायकार, ह्या वेळार हाजीर आशिल्ली.
प्रा पोर्णिमा केरकारान बरयल्ल्या “तुझ्या अंगणात सये ” ह्या शुभदा च्यारीन दिग्दर्शीत केल्लें नाट्याचे सादरीकरण जाले. चित्रा क्षीरसागर, कालिका बापट, आसावरी कुलकर्णी, दीपा मिरींगकार, सृष्टी नायक, इंदू परब हांणी तातूंत वांटो घेतिल्लो. स्मिता आवळे आनी बायलांनी गट नाच सादर केले.. कविता बोलकाराचे येजमानके खाला काव्य मैफल जाली. पौर्णिमा केरकार, शुभदा च्यारी, उषा कामत, हर्षा शेटये, लीना कामत, इंदू परब, चित्रा क्षीरसागर, प्रकाश क्षीरसागर, शिला काकोडकार, रेवा देसाय, कालिका बापट, आसावरी कुलकर्णी, दीपा मिरींगकर, सृष्टी नायक, शर्मिला प्रभू, रजनी रायकर, ओंकार नायक, अभय सुराणा, डॉ. नूतन देव, विराज प्रभुदेसाय, माया खरंगटे, बबीता नार्वेकार, स्मिता कारे, स्नेहा केणी, विजया शेल्डेकार, सारिका आडवीलकर, हनुमंत मावजो, वर्षा प्रभुगांवकर हांणी आपापल्यो कविता सादर केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
