भांगरभूंय | प्रतिनिधी
उत्तर गोंयचें वस्ताद पैरा हायस्कुलाक 7-0 अशा गोल फरकांनी हारोवन दक्षीण गोंयचेें वस्ताद मडगांवच्या फातिमा कॉन्व्हेंट हायस्कुलान खेळां आनी युवा वेव्हार संचालनालयान आयोजीत केल्ली 17 वर्सां पिराये सकयली चलयांची फुटबॉल सर्त जिखली. मॅच धर्मापूर फुटबॉल मैदानाचेर जाली.
जैतिवंत हायस्कुला वतीन झुरियल तावारीसान दोट्टी हॅट्रीक केली, जाल्यार मेरेसिया तावारीसान एक गोल केलो. तिसरी सुवात केपेंच्या पॉप जॉन XXIII हायस्कुलाक फावो जाली.
फातिमा कॉन्व्हेंट हायस्कुलाच्या पंगडांत मेरेसिया तावारीस, झुरियल तावारीस, आंद्रिया डिकोस्टा, अॅण्ड्रिया साल्ढाणा, अॅनालीस डायस, झेराह जोसेफ मार्चोन, अनुष्का धारवाडकार, डॅनिएल सौझा, शानिया वाझ, देबोराह फर्नांडीस, त्रिनी कोस्टा, निनोष्का बोतेल्हो, सिमोना मोंतेरो, सीया गोम्स, जेनेसा फर्नांडीस, इव्हांका बार्रेटो आनी रोसीयन आल्मेदा हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.