भांगरभूंय | प्रतिनिधी
भांगरभूंय । प्रतिनिधी
काणकोणः श्री संस्थान गोकर्ण पर्तगाळ जिवोत्तम मठावतीन दर वर्सा दितात तो प्रतिश्ठेचो श्री विद्याधिराज पुरस्कार अंदू म्हैसूर हांगच्या डॉ एम जगन्नाथ शेणोय हांका दिवपाचें थारलां. 23 मार्चाक सांजे 4 वरांचेर मठाधीस विद्याधीश तीर्थ स्वामी हांचे हस्तुकीं हो पुरस्कार शेणोय हांका भेटयतले.
बिरेस्तार 23 मार्चाक दनपारां 2 वरांचेर म्हापूजा, म्हानैवेद्य, 3.30 वरांचेर वैदिक संभावना आऩी पुरस्कार वितरणा उपरांत सांजे 6 वरांचेर स्वामींचे आशिर्वचन जातलें. अंदू दोन समाज भावांक जिवोत्तम आनी तिग जाणांक पुरुषोत्तम पुरस्कार भेटयतले.
खोला- काणकोण हांगच्या अॅड प्रकाश प्रभुदेसाय आनी येल्लापूर हांगच्या महेश सुंदर नायक हांकां जिवोत्तम पुरस्कार आनी बरोली हांगचे वेदमूर्ती अनंत भट, कुमठा हांगचे वेदमूर्ती आनंद भट आनी कुंदापूर हांगचे वेदमूर्ती बाळकृष्ण लक्ष्मीनारायण भट हांका पुरुषोत्म पुरस्कारान भोवमानीत करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
