भांगरभूंय | प्रतिनिधी
भांगरभूंय । प्रतिनिधी
काणकोणः काणकोणच्या दर्या वेळांनी सध्या रातीं तें फातोड मेरन संगीत कार्यावळी आयोजीत करपाच्या प्रकाराक लागून थळाव्या लोकांक चड करून परिक्षेचो अभ्यास करपी विद्यार्थ्यांक त्रास जावपाक लागला. काणकोण पुलिसांनी हातूंत हस्तक्षेप करून संगीत कार्यावळी आयोजीत करपी आनी व्हडा आवाजांत संगीत वाजयतात ताचेंर कारवाक करपाची मागणी लोकांनी केल्या.
आवाज प्रदूशण आनी राजबाग ते पोळें मेरेन सध्या संगीत कार्यावळी आयोजीत करतात आनी त्यो सोपतना मळबांत फोग उडयतात. ताचो आमकां सामको त्रास जाता अशें अभय धुरी हाणे पुलीस निरीक्षकाक सादर केल्ल्या निवेदनांत म्हणलां.
सध्या 12वेच्या विद्यार्थ्यांची परिक्षा सुरू जाल्या. साबार शाळांच्यो परिक्षा मार्च- एप्रील म्हयन्यांत जावपाच्यो आसात. भुरगीं अभ्यास करतना तांकां संगीत वाजयतात ताचो सामको त्रास जाता. तांकां अभ्यास करपाक मेळना. जाण्टे आनी दुयेंस लोकांकूच संगीताचो त्रास जाता असें निवेदनांत म्हणलां. धुरी हाणे काणकोणचो आमदार आनी सभापती रमेश तवडकार हांका निवेदन सादर करून आवाजा प्रदूशणा आड कारवाय करपाची मागणी तांचे कडेन केल्या. निवेदनाच्या प्रती काणकोणचो उपजिल्होधिकारी, मामलेदार, हांका धाडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
