भांगरभूंय | प्रतिनिधी
भांगरभूंय । प्रतिनिधी
दिवचलः दिवचलच्या बाबा सावयकार सेवा प्रतिश्ठान संचलित ज्येश्ठ नागरीक सेवा केंद्र सेकंड इनिंगांत गोंयचो पयलो मुख्यमंत्री भाऊसाहेब बांदोडकार हांची जयंती मनयली.. मगो पक्षाचो कार्याध्यक्ष अॅड नारायण सावंत ह्या वेळार मुखेल सोयरो म्हणून हाजीर आशिल्लो.
भाऊसाहेबान गोंयचे सर्वांगी उदरगतीची म्हेड लायली. गांव थंय शाला ह्या उपक्रमांतल्यान शिक्षणाची गंगा खेड्या-पाड्यांत पावयली. ताका लागू आयचो सुस्कृत आनी उदरगतीचे मुखेल प्रवाहांत आशिल्लें गोंय पळोवपाक मेळटा अशें अॅड सावंत हाणे सांगलें. ह्या वेळार माचयेर सेकंड इनिंगाचो कार्यवाह देवू पळ, जयश्री चव्हाण, राजेंद्र सावयकार, राजाराम खोब्रेकार माचयेर आशिल्लो. तांणी भाऊच्यो यादी सांगल्यो.
ज्येश्ठ नागरीक आनी प्रवचनकार दीनानाथ तारी भाऊचो फोटो दिवचल पालिका सभाघरांत लावपाची सूचोवणी केली. राजाराम खोब्रेकारान कार्यावळीचे सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
