भांगरभूंय | प्रतिनिधी
भांगरभूंय । प्रतिनिधी
म्हापशेंः पोरूं मे म्हयन्यांत चंदगड- महाराष्ट्र हांगच्यान आय़िल्ल्या पर्यटकांच्या एका पंगडाक सवाय खानावळ दाखोवपाच्या नांवा खाला मसाज पार्लरांत व्हरून मारपेट करून तांचे दागिने आनी रोकड मेळून 1.80 लाखाचो म्हालवज लुटपाच्या प्रकरणांतल्या सचीन भारद्वाज (हरियाणा) हाका उत्तर गोंय जिल्हो आनी सत्र न्यायालयान सशर्त जामीन मंजूर केलो.
50 हजार रुपयांची हमी, तितलेच रक्कमेचे दोन थळावे हमिदार, केशीची सुनावणी सुरू जाय मेरेन दर सोमाराक दनपारां न्यायालयांत हजेरी लावप, परवानगी घेनास्तना गोंयां भायर वचप ना आनी गेल्यार रावपाचो पत्तो दिवप ह्यो अटी ताका घातल्यात. पर्यटकांक मारपेट करपाच्या गुन्यांवा खातीर म्हापशें पुलिसांनी भारद्वाज हाचे सयत आशिष जगीर सिंग ( गुरगांव हरियाणा), मुबारक अली मौला (नायकावाडा कळंगूटे,मूळ तामिळनाडू) हांका तशेंच तीन बायलांक अटक केल्ली.
24 मे 2022 दिसा व्हो प्रकार घडल्लो. तांणी बागा सावन म्हापश्या येवपी प्रवीण पाटील आनी तांच्या धा वांगड्याक बोडगेश्वर देवळा कडेन आडावन सवाय भिरत जेवण मेळटा ते खानावळींत व्हरतां अशें सांगून इन डिओर ह्या सलूनांत व्हरून ताकां मारपेट केल्ली. तशेंच तांच्या वांगडा आशिल्ल्या बायलांक नागड्यो करून व्हिडिओ चित्रीकरण केल्लें.. अतिरिक्त सत्र न्यायालयान भारद्वाजाचो जामीन अर्ज भायर मारिल्ल्यान ताणे ते खातीर जिल्हो आनी सत्र न्यायालयांत अर्ज केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
