भांगरभूंय | प्रतिनिधी
भांगरभूंय । प्रतिनिधी
मुरगांवः वास्को पुलिसांनी शेणल्ले सात वर्सां पिरायेच्या मानसीक स्थिती सारकी नाशिल्ले चलयेक आवयचे सुवादीन करपाचें काम केलें. पुलिसांक प्यूमा शोरूम वाठारांत ही चली मेळ्ळी. ताच्या घरच्यांचो सोद घेवपा खातीर ताचो फोटो सोशल मीडियाचेर घातलो. तिचे खारीवाडो हांगचे आवयन वास्को पुलीस स्टेशनांत येवून चलयेक ताब्यांत घेतली. चली सांगनास्ताना घरांतल्यान भायर सरलें अशें तिणे पुलिसांक सांगलें.
एक सान चली फिरतना दिसलें मात तिची चवकशी केली तेन्ना तें उलोवपाक शकलें ना. ताका वास्को पुलीस स्टेशनांत हाडून तागेल्या घरच्यांचो सोद घेवपाक सांगलें. पुलिसांनी फोटो सोशल मीडियाचेर घातलो आनी आवय रुचिता हटकार हिणे चलयेची मानसीक स्थिती सारकी ना अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
