भांगरभूंय | प्रतिनिधी
ल्हा न भुरगीं, जाण्टें चड न्हिदतात. तरणाट्यांक न्हीद उणी पडटा. पूण प्रत्येकान उणेच स ते आठ वरां न्हिदपाकूच जाय. ताचे परस कमी न्हिदपी मनीस दुयेंत पडटात. फावो ती न्हीद नाशिल्ल्यान मेंदवाच्या ‘इनपुट’ शोशून घेवपाचे तांकीचेर परिणाम जाता आनी ताका लागून गजाली याद दवरप कठीण जाता. दिसभर शिकिल्ल्या गजालींचेर मेंदू बरो काम करीना. गजाली याद दवरपाक त्रास जाता. तशेंच बरी न्हीद मेंदवांत जमपी टॉक्सिन पदार्थ काडून उडयतात. फावो ती न्हीद ना जाल्यार उदासीनताय, बीपी चड, माइग्रेन आदी जावपाचो धोको वाडटा. तुमी बरी न्हीद घेवपाक सोदतात जाल्यार मागीर तुमी ह्यो पद्दती आपणावंक शकतात.
ल्हान भुरग्याक वेंग मारल्यार तो बेगीन न्हिदता.
बॉडी स्कॅन
हो माइंडफुलनेस मेडिटेशनचोय एक प्रकार. मनांतल्यान ध्यान केल्ल्यान न्हीद सुदारता. ते हुस्को निर्माण करपी विचारांची माळ शांत करता. दोळे बंद करात. आतां तकले वयल्यान आंग स्कॅन करपाक सुरवात करात. जय वेदना वा ताण आसा हाची जाणीव करात. आतां माने पसून छाती, पोट, नितंब, पांय आनी परतून पांयाच्या बोटां मेरेन वचात. आतां पांयाच्या बोटां
पासूनय सुरवात करून तकले कडेन वचचें. पांच- स वेळां अशें करचें.
खोल श्वास
न्हिदेच्या आदीं 10 मिनटां जर तुमी खोल उस्वास घेतलो जाल्यार मागीर काळजाचे ठोके संतुलीत जातात. मेंदू शांत जाता. अनियंत्रीत विचारांचेर नियंत्रण दवरपाक आदार करता. चिंता आनी ताण वाडोवपी हार्मोनांची पातळी उणी करता.
एक्यूप्रेशर
हाका लागून न्हीद निर्माण करपी हार्मोन वाडटात. पारंपारीक चीनी पद्दतींत अनमियन म्हळ्यार “शांत न्हीद”. उन्मियन एक्यूपॉइंट हे कवटी लागीं कानाच्या फाटल्यान मेंदवाच्या हाडा कडेन आसतात. खाटीर न्हिदले उपरांत कांय वेळ बोटान हो बिंदू हळूच मालिश करचो. 2013 आनी 2009 वर्सा केल्ल्या कांय संशोधनांतल्यान ह्या बिंदूची मालिश केल्यार न्हीद बरी येता, अशें दिसून आयलां. हे मुद्दे काल्पनीक विचारांक शांत करतात.
वेंग थेरपी
ताण हार्मोन कॉर्टिसोलाची पातळी उणी करता जेन्ना तुमी कोणाकूय वेंग मारतात तेन्ना तुमचे रगत आनी लाळ ह्या दोनूय प्रकारांतल्या ताण हार्मोनाची पातळी उणी जाता. हो हार्मोन चिंता निर्माण करता, जाका लागून नाका जाल्ले विचार निर्माण जातात. एकटो आसल्यार उश्याक मिठी मारून न्हिदूंक मेळटा. 2020 वर्सा केल्ल्या एका अभ्यासा प्रमाण ताण उणो करपी पांच पद्दतीं मदीं (बॉल चेपप, संगीत आयकप आनी हेर) उश्याक मिठी मारप हो सगळ्यांत बरो उपाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
