भांगरभूंय | प्रतिनिधी
मार्च म्हयन्यांत तुमकां जायतीं म्हत्वाचीं कामां पुराय करपाचीं आसात. हातूंतलें एक काम म्हळ्यार आधार- पॅन लिंक करप. जर तुमी 31 मार्च मेरेन हें करूंक ना जाल्यार तुमचें पॅन कार्ड निश्क्रीय जातलें. तशेंच 31 मार्चा उपरांत 1000 रुपया कळाव फी घेवन पॅन आधार कार्डाक लिंक करचे पडटलें. 31 मार्च मेरेन हीं चार कामां पुराय करात….
1) कर वांचोवपाची गुंतवणूक
तुमी अजून 2022-23 ह्या अर्थिक वर्सा खातीर कर गुंतवणूक करूंक ना जाल्यार ती बेगीन करात. पीपीएफ, सुकन्या समृद्धी येवजण, 5 वर्सां एफडी आनी ईएलएसएस आदी गुंतवणूक करून तुमी कलम 80 सी कर सुट मेळूं येता. हे खातीर 31 मार्च मेरेन हे येवजणेंत गुंतवणूक करची पडटली.
2) पीएम वय वंदना येवजणेंत गुंतवणूक
खंयच्याय ज्येश्ठ नागरिकांक पीएम वय वंदना येवजणेंत गुंतवणूक करपाची आसल्यार फकत 31 मार्च 2023 मेरेन गुंतवणूक करपाक मेळटली. ही येवजण मुखार व्हरपा खातीर सरकारान कसलीच अधिसुचोवणी जारी करूंक ना. त्या खातीर फकत मार्च मेरेन तातूंत गुंतवणूक करूं येता. 60 वर्सां आनी ताचे वयल्या नागरिकां खातीर ही पेन्शन येवजण.
3) एसबीआयचे अमृत कलश येवजणेंत गुंतवणूक
भारतीय स्टेट बँकेची नवी फिक्स्ड डिपॉझिट येवजण अमृत कलश ह्या म्हयन्यांत सोंपपाची आसा. हाचे खाला ज्येश्ठ नागरिकांक 7.6 टक्के व्याज आनी हेरांक 7.1 टक्के व्याज दिवपाचें काम सुरू आसा. हे फिक्स्ड डिपॉझिट येवजणेंत 400 दीस गुंतवणूक करची पडटा.
4) म्युच्युअल फंडांत नामांकन
तुमी अजून म्युच्युअल फंडांत नामांकन प्रक्रिया पुराय करूंक ना जाल्यार ते बेगीनांत बेगीन करात. हे खातीर सगल्या फंड हाऊसेसांनी 31 मार्चाची मुजत दिल्या. तशें करूंक ना जाल्यार तुमचें म्युच्युअल फंड खातें गोठवंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
