भांगरभूंय | प्रतिनिधी
भांगरभूंय । प्रतिनिधी
पर्वरीः पर्वरी हांगच्या जन शिक्षण संस्थे वतीन आंतरराष्ट्रीय बायल दिसा निमतान सिया वांयगणकार आनी फ्रिडा आंद्राद हांका राज्य पांवड्या वयले कुशळताय शिक्षक पुरस्कार राज्याच्या कुशळताय उदरगत विभागाचे उपसंचालक राजेश लोलयेकार हांचे हस्तुकीं भेटयले.
बायलांनी आपल्या वांगडा काम करपी बायलांनी केल्ल्या कामाची तुस्त करपाक जाय. तांणी आप मजत पंगडांच्या माध्यमांतल्यान उद्देग सुरू करून आपल्या पांयार उबें रावपाचो यत्न करपाक जाय. एक बायल वेगवेगळ्य रुपान सामाजीक मळार वावुरपाक शकता. सरकारी येवजण्यांचो लाब घेवंन तांणी मळबांत उंच उडी घेवपाक जाय अशें राजेश लोलयेकारान ह्या वेळार सांगलें.
बायलांचो सभाव स्वालवंबी जावपाचो आसता. संकश्ट आयल्यार ती ताका तोंड दिवपाक रोखडीच तयार जाता. चूल आनी भुरगें सांबाळपी बायल आतां नोकरीय समर्थपणान सांबाळटना दिसता. तिणे आपलें सामर्थ्य वळखून सकारात्मकतेन फुडें सरपाक जाय असें उद्देजिका स्नेहा नायक हिणे सांगलें.
कार्यावळीक पल्लवी प्रवीण आर्लेकार, मोपा पंचायतीच पंच वांगडी समिक्षा महाले, सिया धुरी, विजय मोपकार, दीपक्षी म्हाळकार, नेत्रा मांद्रेकार, रंजना न्हानजी, स्नेहा च्यारी, सोनिया पेडणेकार हाजीर आशिल्ली. जन शिक्षण संस्थेचे श्रीहरी आठल्ये हांणी सुरवेक प्रास्तावीक केलें. निमिषा पळ हिणे कार्यावळीचें सूत्रसंचालन केलें. भक्ती मोपकारान सांस्कृतीक कार्यावळीचें सूत्रसंचालन केलें. दीपश्री म्हाळकारान निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
