भांगरभूंय | प्रतिनिधी
भांगरभूंय । खबरां मेज
पणजीः कविता हो एक अणभव आसता. आपले तकलेंत आयिल्लो विचार जेन्ना कागदाचेर देंवता तेन्ना ताची कविता जाता अशें ज्येश्ठ कवी आनी फोटोग्राफर दर्शन लोलयेकारान सांगलें. गोमंतक साहित्य सेवक मंडळाच्या म्हयन्याळे काव्यसंध्या कार्यावळींत ते उलयताले.
दर म्हयन्यांत जावपी मंडळाची काव्य संध्या ही ह्या म्हयन्याची कार्यावळ दर्शन लोलयेकार हाचें येजमानके खाला जाली. लक्ष्णण पित्रे हांणी शिगमोत्सवाच्या फांटभुंयेर ‘घंच कटर घंच ‘ ही विडंबनात्मक कविता सादर करून सगल्यांची दाद घेतली. शेखर खांडेपारकार, पूर्णिमा देसाय, अशोक लोटलीकार, प्रकाश तळवडेकार, आलिशा गडेकार, राजू भी. नायक, प्राची नायक, जितेंद्र फडते, नीलेश बुगडे, सत्यवान पेडणेकार आनी सुनील शहा हांणी आपापल्या कविता सादर केल्या.
सुरवेक सगल्या हाजीर आशिल्ल्या कवी कवयत्रिंक गोमंतक साहित्य सेवक मंडळाचो अध्यक्ष रमेश वंसकार हाणे येवकार दिलो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
